Xocalı soyqrımının 33-cu ildönümü ilə əlaqədar olaraq Türkiyədən gələn alpinist qrupları və Naxçıvandan olan ekstrimsevərlərin iştirakı ilə Haçadağa yürüş təşkil olunub.

 Yürüşdə Naxçıvan Muxtar Respublikasının Fövqəladə Hallar Nazirliyi Xüsusi Riskli Xilasetmə Xidməti xilasediciləri də iştirak edib.

Xilasedicilər yürüş iştirakçılarının mümkün yüksəkliyə qədər irəliləməsi zamanı lazimi təhlükəsiz tədbirlərini həyata keçiriblər.

Ənənəvi ekstremal yürüşdə Xocalı faciəsi qurbanları və 44 günlük Vətən müharibəsi şəhidləri yad edilib, hər iki ölkənin dövlət himni ifa olunaraq Azərbaycan-Türkiyə qardaşlığı və Xocalı soyqrımına aid şüarlar səsləndirilib.

Sonda tədbirin əhəmiyyəti ilə bağlı fikirlər səsləndirilib, yürüş iştirakçılarına fəxri fərman təqdim olunub.