Naxçıvan Muxtar Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.

Ötən sutka ərzində Fövqəladə Hallar Nazirliyinin “112” qaynar telefon xəttinə daxil olan zənglər əsasında Nazirliyin yanğından mühafizə bölmələri tərəfindən 8 yanğın hadisəsinə çıxış həyata keçirilib.

Belə ki, Şərur rayon Danyeri, Dərəkənd, Babək rayonun Qoşadizə kəndlərində, Cəhri qəsəbəsində və Naxçıvan şəhərində quru otlaq sahələrində, Şərur rayon Muğancıq Müslüm, Məmmədsabir və Culfa rayon Ərəzin kəndlərində isə ot bağlamalarında yanğın hadisələri baş verib.

Görülən təcili və təxirəsalınmaz tədbirlər nəticəsində yanğınların daha geniş sahələrə yayılmasının qarşısı alınaraq operativ söndürülməsi təmin edilib.

Yanğın hadisələri nəticəsində Danyeri kəndində 4000 m² quru otluq sahə və 150 ağac yanıb, 6000 m² sahə 500 ağac yanğından mühafizə edilib. Naxçıvan şəhərində 300 m²  quru otluq sahə yanıb, 300 m² sahə və sahədə olan 9 m² köşk yanğından mühafizə olunub. Dərəkənd kənd isə 10 hektara yaxın quru otlaq sahəsi yanğından mühafizə edilib.

Muğancıq Müslüm kəndində 1050 kq ot bağlaması və tayanın üzərinə qurulan çardaqın 14 m² hissəsinin yanar konstruksiyaları  yanıb, 1950 kq ot bağlaması və 54 m² çardaq yanğından mühafizə olunub. Məmmədsabir kəndində 4500 kq ot bağlaması yanıb, 3000 kq ot bağlamasının yanmasının qarşısı alınıb. Culfa rayon Ərəzin kənd isə 1200 kq ot bağlaması və tayanın üzərinə qurulan 16 m²  çardaq yanıb. Yanğın yanğından mühafizə bölmələri tərəfindən söndürülərək daha geniş sahəyə yayılmasının qarşısı alınıb.