Naxçıvan Muxtar Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.

Ötən sutka ərzində Fövqəladə Hallar Nazirliyinin “112” qaynar telefon xəttinə daxil olan zənglər əsasında Nazirliyin yanğından mühafizə bölmələri tərəfindən 11 yanğın hadisəsinə çıxış həyata keçirilib.

Belə ki, Naxçıvan şəhər Babək məhəlləsində fərdi yaşayış evində, Naxçıvan şəhəri Qaraxanbəyli, Hacıniyyət, Tumbul, Bulqan kəndlərində, Babək rayon Cəhri qəsəbəsində, Babək şəhərində, Şərur rayon Yengicə, Ordubad rayon Qoşadizə kəndlərində quru otlaq sahələrində, Babək rayon Nehrəm qəsəbəsində və Şərur rayon Zeyvə kəndində isə ot bağlamalarında yanğın hadisələri baş verib.

Görülən təcili və təxirəsalınmaz tədbirlər nəticəsində yanğınların daha geniş sahələrə yayılmasının qarşısı alınaraq operativ söndürülməsi təmin edilib.

Yanğın hadisələri nəticəsində Nehrəm qəsəbə 2550 kq ot bağlaması yanıb, 1700 kq ot bağlaması yanğından mühafizə olunub. Zeyvə kəndində 5950 kq ot bağlaması və tayanın üzərinə qurulan 32 m² çardaq yanıb, 54 m² yardımçı tikili yanğından mühafizə edilib. Hacıniyyət kəndində 60 m² quru otluq sahə və sahədə olan 5 ağac yanıb, 2440 m² sahə və 10 ədəd ağac yanğından mühafizə olunub. Tumbul kəndində 4500 m² quru otluq sahə və sahədə olan 10 ağac yanıb, 80 ağac yanğından mühafizə edilib. Ordubad rayon Qoşadizə kənd isə 1 hektar quru otluq sahə yanıb, 9 hektar sahə isə yanğından mühafizə edilib.