Babək rayon Cəhri qəsəbəsində və Şərur rayon Çərçiboğan kəndində baş verən yanğınlar söndürülüb

...

Naxçıvan Muxtar Respublikasının Fövqəladə Hallar Nazirliyinin “112” qaynar telefon xəttinə Babək rayon Cəhri qəsəbəsində və Şərur rayon Çərçiboğan kəndində ot bağlamalarında yanğın hadisələrinin baş verməsi barədə məlumatlar daxil olub.

Məlumatla əlaqədar dərhal Babək və Şərur Rayon Yanğından Mühafizə Hissələrinin qüvvələri hadisə yerlərinə cəlb olunub.

Əməliyyat şəraitinə uyğun olaraq həyata keçirilən zəruri və təxirəsalınmaz tədbirlər sayəsində baş vermiş yanğın genişlənərək ətraf ərazilərə yayılmasına imkan verilmədən qısa müddətdə söndürülüb.

Hadisə nəticəsində Babək rayon Cəhri qəsəbə təxminən 3400  kq ot bağlaması yanıb, 8500 kq isə yanğından mühafizə olunub. Şərur rayon Çərçiboğan kəndində isə 1120 kq ot bağlaması yanıb, tayanın üzərinə qurulan 21 m2 çardaq yanğından mühafizə edilib.