Fövqəladə Hallar Nazirliyinin Mülki müdafiə və əməliyyat planlaşdırma işinin təşkili idarəsi tərəfindən maarifləndirmə tədbirləri keçirilib

...

Fövqəladə Hallar Nazirliyinin Mülki müdafiə və əməliyyat planlaşdırma işinin təşkili idarəsinin əməkdaşları tərəfindən Mədəniyyət Nazirliyində, Hərbi Kollecdə və 12 nömrəli tam orta məktəbdə fövqəladə hadisələr zamanı davranış və fəaliyyət qaydaları, habelə sülh və müharibə dövrlərində xilasetmə və təxliyə işlərinin həyata keçirilməsi qaydaları ilə bağlı tədbirlər keçirilib.

Tədbirlərin keçirilməsində məqsəd fövqəladə hadisələr zamanı yarana biləcək təhlükələrdən mühafizənin üsul və vasitələri, fərdi və kollektiv mühafizə vasitələrindən istifadəsi üzrə fəaliyyət qaydaları haqqında ətraflı məlumat verməkdən ibarət olub.

İnteraktiv formada keçirilən tədbirlər zamanı qeyd olunan bütün məsələlər nəzəri və praktiki cəhətdən izah olunub, suallar ətraflı şəkildə cavablandırılıb.