Fövqəladə Hallar Nazirliyinin Dövlət Yanğın Nəzarəti İdarəsinin səlahiyyətlərinə uyğun olaraq, muxtar respublika ərazisində yanğın təhlükəsizliyinin təmin edilməsi istiqamətində zəruri tədbirlərin görülməsini davam etdirir.

Bu çərçivədə, Dövlət Yanğın Nəzarəti İdarəsinin əməkdaşları müəssisələrdə yanğına qarşı maarifləndirmə tədbirləri keçirib.

Tədbirlərdə yanğın təhlükəsizliyinin təmin olunmasına obyekt rəhbərinin şəxsən məsuliyyət daşıdığı, bütün işçi heyətin yanğın təhlükəsizliyi qaydalarına ciddi riayət etmələrinin zəruriliyi qeyd olunub. Eyni zamanda, yanğın təhlükəsizliyi qaydalarına aid tələblər barədə məlumatlar verilib.

Həmçinin, yanğın zamanı zəruri davranış qaydalarından bəhs olunub, sözügedən təhlükənin qarşısının vaxtında alınmasına dair müvafiq normativ sənədlərin tələbləri barədə söhbət aparılıb.

Sonda ilkin yanğınsöndürmə vasitələrindən istifadə qaydaları əyani şəkildə izah edilib və suallar cavablandırılıb.