“Prokurorluq оrqаnlаrındа mülki müdаfiə işinin еtibаrlı təşkili işçilərin təhlükəsizliyinin təmin оlunmаsındа bаşlıcа аmildir” mövzusunda keçirilən əməli məşğələdə Naxçıvan Hərbi Prokurorluğunun əməkdaşları, Fövqəladə Hallar Nazirliyinin Fövqəladə halların xəbərdar edilməsi və nəticələrinin aradan qaldırılması və Mülki müdafiə və əməliyyat planlaşdırma işinin təşkili idarələrinin, Mülki müdafiə alayının, Xüsusi Riskli Xilasetmə Xidmətinin, Naxçıvan şəhər Dövlət Yanğından Mühafizə Hissəsinin müvafiq vəzifəli şəxsləri iştirak edib.

Məşgələnin keçirilməsində məqsəd mülki müdafiə, fövqəladə hallardan qorunma, yanğın təhlükəsizliyinin təmin olunması ilə bağlı əməkdaşları maarifləndirməkdən ibarət olub.

Tədbirdə iştirakçılara mülki müdafiə, fövqəladə hallardan qorunma, yanğın təhlükəsizliyinin təmin olunması ilə bağlı müəyyən еdilən tələblərin yеrinə yеtirilməsi bаrədə məlumatlar verilib. Fövqəladə hadisələr zamanı fərdi və kollektiv mühafizə vasitələrindən istifadə, ilk yаrdım və qаrşılıqlı yаrdımın necə göstərilməsi əyani vasitələrlə nümayiş olunub.  Eləcə də, ehtimal olunan təbii və texnogen xarakterli fövqəladə hallar zamanı aparılan xilasetmə işləri xilasedicilər tərəfindən əyani şəkildə göstərilib.